Aurreko
astean, Baketik taldearen eskutik balio etikoak lantzeko Antzerki Forum
tailerra burutu genuen. Bertan, elkarbizitza hobetzeko hainbat ideia
bururatu zitzaizkigun. Gaia lantzen tutoretza saioetan jarraituko dugu.
Antzerkian biktima, testigu eta erasotzailearen papera ikusteko aukera izan genuen. Ikasleek bertako egoera batzuk aukeratu, hausnartu eta konpondutako egoera bat antzeztu behar zuten. Bikain aritu ziren. Eta guztion balorazioa positiboa izan zen.
Hitz eman nizuen bideoa bidaliko nizuela eta hona HEMEN egindako grabaketa. Zuen irakasleak badu grabaketatan zer ikasi. Baina lehenengoa izateko ez dago hain gaizki. Ea gustatzen zaizuen.
Puff... ez da erraza izan ikasi dugun guztia orrialde batean sartzea, baina hemen dago gai honi dagokion kontzeptu mapa. Errepasorako baliagarria izan daiteke.
Ziklo honetan ohitura denez Izazpi mendia igo genuen. Benetan egun polita pasa genuela. Igotzeakotan neke pixkat, jeisteakotan ipurdiko batzuk... baina merezi izan zuen. Antion ogitarteko ederrak jan eta gero JOLASTERA!!!! Hara hor egun horretan ateratako argazki zoragarri batzuk.
Asteartean, irailaren 30ean, Donostian egon ginen, zientzia museoan, Eureka museoan. Bi bisitan parte hartu genuen, "Biobisita" eta "Urtaroak" jardueretan hain zuzen ere. Planetariumean izarrak, konstelazioak ...ikusteko aukera bikaina izan genuen. Oso gustura ibili ziren, bazkaldu eta gero segituan berriz ere sartu ginelako bakoitza bisita libreaz disfrutatzeko.